SCRIBBLING is a blog written for the blogger to express her innermost thoughts with no intention to hurt anyone's beliefs or individuality... for these are all... mY tHougHtS...

Thursday, July 02, 2015

Ako, Ikaw, Tayo

Ako, Ikaw, Tayo
Mystique Rose
06-17-15

Galit? Selos? Inggit? Ano nga ba meron ka?
Buhay mo ma'y sagana, pagmamahal sa iyong pamilya,
Kung puso mo'y balisa
Ano'ng maidudulot ng iyong pang-aalipusta?

Bahay, kotse, alahas o sapatos,
Mga bagay na wari ko'y hindi ka kapos.
Lahat ng yan ay iyo mula sa iyong hirap at pagod
Ngunit may isang nilalang na hindi mo kayang bilhin at di magpapasakop.

Tao ka, hindi isang hayop
Na kung magalit daig pa ang asong ulol.
Pag-ibig bang maituturing kung respeto ay naglaho at sinayang?
Nanakit ng pisikal, emosyonal, anong klase kang nilalang?

Anong pagmamahal ang pwede mong ibahagi
Kung respeto at pagmamahal wala ka sa sarili?
Edukado ka nga ba na ginagamit ang iyong utak?
O sadyang kahihiyan at pang-aabala sa iyo ay hindi sapat?

Ipagpilitan man ang sarili sa ginagalawang sa yo'y namumuhi
Lakas at oras mo'y humihiyaw at humihikbi
Nagmamakaawang lumaban, tumayo kang muli
Upang pulutin ang binasura mong prinsipyo at puri.

Ikaw, Ako, Tayo
Lahat ay pantay-pantay, hindi dapat magbalatkayo
Hanguin ang sarili sa hampas ng kahapon
Harapin ang bukas sa lahat ng pagkakataon.

Sirain mo ang iyong bait gawa ng mga taong naiinggit
Sa iyong kahinaan sila'y pilit na nangungunyapit.
Bumangon ka, harapin mo ang iyong buhay
Sa ibang tao, kasiyahan mo'y hindi nakasalalay.

May oras pa, buo pa ang pag-asa
Bagong buhay gugulin sa iyong pamilya
Ang Maykapal nawa'y manahan sa iyo tuwina
Huwag hayaang manaig ang kasamaan sa iyong sistema.




0 Comments:

Post a Comment

<< Home

Name:
Location: Philippines

Passionate yet sensitive.